DIY – SVITALYKTAREYÐIR

DIY 3

Flest okkar nota svitalyktareyði. Það er algjört lykilatriði í okkar tilviki að hann sé laus við ál og annan óþverra og að hann virki vel. Við höfum leitað víða og sammælst um að þessi sem við búum til sjálfar sé sá besti. Það er ekki margt sem þarf til að búa til svitalyktareyðinn, það sem hefur kannski helst vafist fyrir okkur er að finna hentug ílát. Við endurunnum því umbúðir af svitalyktareyði í stifti sem hafði verið keyptur í verslun og settum þann heimagerða í stiftið staðinn. Annars er ekkert því til fyrirstöðu að hafa hann í krukku og smyrja undir hendurnar.


ÞETTA ER BROT ÚR GREIN SEM BIRTIST Í NÝJASTA TÖLUBLAÐI Í BOÐI NÁTTÚRUNNAR. FLEIRI DIY UPPSKRIFTIR FRÁ AMPERSAND ER AÐ FINNA Í BLAÐINU. KAUPA HÉR


INNIHALD:

 1⁄2 bolli lífræn kókosolía 

1⁄3 bolli matarsódi 

20-30 dropar ilmkjarnaolíur

AÐFERÐ:

Byrjað er að bræða um það bil hálfan bolla af kókosolíu í vatnsbaði eða með því að setja krukku undir heitt vatn. Þá er bætt við 20 – 30 dropum af ilmkjarnaolíu út í. Góð blanda er helmingur Lavender- og helmingur sítrónuilmkjarnaolía. Þá er blandað hálfum bolla af matarsóda við. Hlutföllin eru ekki heilög en gott er að miða við um það bil jafnmikið af fljótandi og föstu. Næst er blandan hrærð saman þangað til áferðin verður þétt. Þá er ekkert eftir annað en að setja blönduna í loftþéttar umbúðir eða tómt svitalyktareyðisstifti og leyfa þessu að harðna yfir nótt. Sumir eru viðkvæmir fyrir því að setja matarsóda undir hendurnar, þá er um að gera að setja aðeins minna af honum á móti meiri olíu. Þar sem innihaldið er eingöngu matarsódi og kókosolía ætti svitalyktareyðirinn að endast þangað til hreinlega að hann klárast!

Anna Sóley og Eva Dögg


Hægt er að fylgjast með DIY-ævintýrum Önnu og Evu á Snapchat undir WERAMPERSAND en þær halda einnig reglulega námskeið um efnið.


 

safnaðu tímaritinu

Eldri blöð kosta einungis 850 kr. Skoða nánar

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Tögg úr greininni
, ,
Skrifað af

Við erum Ampersand tvíeykið. Við erum ástríðufullir sveimhugar með temmilega jarðtenginu. En í stuttu máli er Eva Dögg fatahönnuður og Anna Sóley menntuð í skapandi skrifum. Saman erum við meðvitaðar tískudrósir með ástríðu fyrir matargerð, DIY, sköpunarkrafti, stjörnuspeki og friði í heiminum.

Taktu þátt í umræðunni