Einfaldar og fljótlegar grænkálsvefjur

IMG_1502-768x1024

Einfalt, hreint og fljótlegt er það sem ég elska í matargerð, því verð ég að deila uppskriftinni að þessum grænkálsvefjum með þér!

Þetta eru eflaust fljótlegustu og bragðbestu grænkálsvefjur sem ég hef gert, enda hef ég gert þær óteljandi oft. Þær taka innan við tvær mínútur að setja saman og gefa góða fyllingu sem endist fram eftir degi.

Það sem er enn betra er þær hjálpa til við að slá á sykurþörfina og jafna blóðsykur.

IMG_1477

Grænkál

Ég borða oftast grænkál daglega enda er það næringarríkast af öllu græna grænmetinu. Það hefur til dæmis tíu sinnum meira næringargildi en iceberg kál. (Þið getið lesið meira um það hér og  hér ) Grænkál mætti því kalla algjöra ofurfæðu, enda er það ríkt af kalki, magnesíum, andoxunarefnum, trefjum (sem bæta meltinguna) ásamt B6 og járni.

Grænkál er einnig talin ein besta uppspretta K vítamíns (sem gegnir stóru hlutverki í storknun blóðs), er sérlega próteinríkt og á sama tíma lágt í kolvetnum sem gerir góða hollustu enn betri. Allt grænt grænmeti þykir mér létta lund og ég finn að mér líður vel af því að innan sem utan. Svo að grænkálið geymist lengur nota ég gott ráð hér sem má sjá hér.

Tahini

Tahinidressingin mín sem ég nota á vefjurnar hefur notið mikilla vinsælda hjá þeim sem fylgjast með mér á Snapchat (lifdutilfulls) enda er engin ástæða að spara hana. Ef þú þú hefur ekki notað tahini áður þá er það smjör úr maukuðum sesamfræjum sem fæst í flestum matvöruverslunum nú orðið og bragðast dásamlega. Tahini er ríkt af magnesíum og góðri fitu sem hjálpar að slá á sykurlöngun.

Grænkálsvefjur með dásamlegri tahini dressingu sem tekur tvær mínútur að gera!

Vefjur

2-4 grænkálsblöð (fer eftir stærð)

1/2 gúrka

1/2 bolli rauðkál

Lífrænt epli

Fersk mynta

Sítróna til að kreista yfir

Tahinidressing:

1 msk tahini

1-2 msk eplaedik

1-2 msk sítrónusafi

  1. Hrærið saman í dressinguna og setjið til hliðar.
  2. Raðið grænkálsblöðum á disk. Reynið að velja stór grænkálsblöð í vefjurnar þar sem þær verða auðveldari að borða. Yfirleitt finn ég stór og falleg blöð í búðinni en ef þú átt leið hjá bændamarkaði er það upplagt.
  3. Skerið grænmetið og eplin smátt. Smyrjið tahini dressingu í grænkálsblöðin og dreifið grænmeti yfir. Kreistið sítrónusafa yfir herlegheitin svo auðveldara sé að tyggja grænkálið og það fari betur í meltinguna og stráið svo ferskri myntu að lokum.
  4. Njótið með vinum!

Eplin og myntan gera salatið virkilega ferskt og sætt.  Mér finnst æðislegt að bæta við kjúklingaspírum eða hemp fræjum fyrir auka prótein.

IMG_1512

Fleiri uppskriftir eru væntanlegar!

Vissir þú að það styttist í Sykurlausa áskorun! Það kostar ekkert að taka þátt í 14 daga áskoruninni og þú færð nýjar uppskriftir sem slá á sykurlöngunina. Smelltu hér til að skrá þig og þá færð þú tilkynningu þegar hún hefst í ágúst! 

Deildu með mér: Borðar þú grænkál og ef svo er hvernig notar þú grænkálið?

Segðu mér frá því í athugasemdum

Ef þú átt vin eða vinkonu sem berst  við sykurlöngun, smelltu á like og deildu uppskriftinni með henni á Facebook.

Heilsa og hamingja

Júlía heilsumarkþjálfi

p.s Fylgstu með á Snapchat: lifdutilfulls

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

Lifðu til Fulls uppskriftabókin

Yfir 100 ómótstæðilegar og einfaldar uppskriftir fyrir orku og ljóma Nú á tilboði! Skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Skrifað af

Júlía er næringar- og lífsstílsráðgjafi, vottaður heilsu- og markþjálfi og stofnandi Lifðu Til Fulls heilsumarkþjálfun sem hjálpar konum og hjónum að léttast, og auka orku. Sækja má uppskriftir af hrákökum og sætum molum frá Júlíu með ókeypis rafbók hennar. Júlía byrjaði ferðalag sitt að bættri líðan og heilsu þegar hún fann sig ráðþrota í hvernig hún gæti unnið bug á meltingarvandamálum, lötum skjaldkirtli, liðverkjum og orkuleysi. Með lífsstílsbreytingu og breyttu mataræði náði hún bata á þessum kvillum og hefur í dag hjálpað hundruðum einstaklinga að ná sinni óskaþyngd og skapa vellíðan og heilsu með 5 daga matarhreinsun, Lífstíllsþjálfun, ókeypis sykurlausum áskorunum og vikulegu heilsubloggi. Júlía vinnur einnig að uppskriftabók sem kemur út 2016.

Taktu þátt í umræðunni