Feng Shui: Baðherbergið

fengshuibadherbergi

Hin aldagamla Feng Shui speki er listin að skapa jafnvægi og samhljóm. Samkvæmt Feng Shui eiga baðherbergi heimilisins að vera hrein, þæginleg og afslappandi. Ljósbláir tónar, gagnlegar innréttingar og notalegt andrúmsloft er aðalatriðið.

Í sumum Feng Shui bókum stendur þó að baðherbergið sér erfiðasti staðurinn til að vinna með. Ein af ástæðunum fyrir því er sú að orkan eða Chi-ið skolast út með vatninu í niðurföllin. Markmið Feng Shui er að bjóða lífsorkunni heim og hjálpa henni að ferðast á milli herbergja heimilisins. Niðurföll eru þess vegna staður þar sem orkan getur „sloppið“. En það er hægt að vinna gegn þessu og skapa góða orku á baðinu með því að setja nokkur einföld Feng Shui ráð í gagnið:


VATN – Baðherbergið er staðurinn sem er helgaður hreinsun líkamans. Þar er vatn aðal frumefnið og mikið notað. Þú liggur í heitu baði, sturtar þig undir volgri bunu og skvettir köldu vatni á andlitið. Nálægð vatnsins er nærandi en í Feng Shui merkir vatn einnig peningar. Þess vegna eru litlir vatnsbrunnar vinsælir í Feng Shui vegna þess að þeir halda hreyfingu á þeirri orku sem tengist gæfu og efnislegum ávinningi heimilisins. Aftur á móti getur baðherbergið valdið vandamálum þar sem orkan getur skolast niður í klósettið og niðurföll. Þess vegna er mikilvægt að hafa setuna alltaf niðri!


SPEGLAR – Í Feng Shui eru speglar gagnlegir inn á bað því að þeir koma hreyfingu á orkuna og spegla hana um rýmið. En aftur á móti er talið slæmt ef að spegillinn speglar klósettið í heild sinni. Þú átt semsagt ekki að sjá þig alla/n í spegli þegar þú situr á klósettinu, samkvæmt spekinni.


LOFT OG LJÓS – Til þess að gefa baðherberginu orku, bjóddu sólskini og fersku lofti inn með opnum gluggum og dragðu frá. Ferska loftið þurrkar upp loftið á baðherberginu sem getur orðið rakt. Ef þú ert ekki með glugga opnaðu þá baðherbergishurðina í nokkrar mínútur eftir að þú ferð í sturtu til að lofta út. Mundu bara að hafa klósettsetuna niðri. Ef þú ert ekki með glugga í herberginu þar sem þú færð birtu, notaðu þá sterkar perur sem líkjast dagsbirtu.


NÆTURLJÓS OG PLÖNTUR – Þú getur aukið góða orku á baðherberginu með því að bæta við næturljósi, grænni plöntu, einhverju úr tré og með því að setja tappa í niðurföll þegar þú ert ekki að nota þau. Hafðu ljósið kveikt, settu plöntuna hærra en klósettið og skapaðu huggulega stemningu.


HREINLÆTI – Síðast en ekki síst haltu baðherberginu hreinu og reyndu að láta það líkjast heilsulind með kertum og róandi andrúmslofti.


Þetta er vissulega einföldun á Feng Shui sem vinnu ítarlega með áttir, frumefni, liti og fleira. En þessar einföldu leiðbeiningar geta gefið aukna orku og aukið líkurnar á að peningarnir flæði að þér en ekki frá þér!

Það er ekki slæmt!

Heimild. Bókin Feng Shui Your Life eftir Jayme Barrett

áskrift af tímaritinu

Tímarit um heilbrigðan og sjálfbæran lífsstíl Skoða nánar

safnaðu tímaritinu

Eldri blöð kosta einungis 850 kr. Skoða nánar

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

Tögg úr greininni
, , , , ,
Skrifað af

Í boði náttúrunnar er vandað tímarit sem var stofnað árið 2010. Vefur tímaritsins ibodinatturunnar.is var settur á laggirnar til þess að dreifa góðum boðskap til stærri hóps. Við viljum bæta lífsgæði fólks með því að efla tenginguna við náttúruna með fróðleik og innblæstri. Með þessari tengingu stuðlum við að meiri sjálfbærni og heilbrigði.

Taktu þátt í umræðunni