Grænkálssalat með granateplum og avókadó

dsc_2935

Nýverið kom út spennandi matreiðslubók eftir Júlíu Magnúsdóttir heilsumarkþjálfa. Allar uppskriftirnar í bókinni eru sykur- og glútenlausar, góðar og einfaldar og svo eru þær vegan (lausar við mjólkurafurðir, egg og dýraafurðir). Hún skellti þó einnig inn sérkafla með réttum sem innihalda kjöt og fisk þó hún gefi alltaf upp kosti til að breyta þeim réttum yfir í vegan – MEIRA UM BÓKINA HÉR. Hún var svo væn að gefa okkur uppskrift úr nýju bókinni af gómsætu grænkálssalati:

kapumynd

Grænkálssalat með granateplum og avókadói

Hæfilegt handa einum eða tveimur sem meðlæti.

Það jafnast ekkert á við sæta bragðið af granateplum, þau gefa salatinu dásamlegt bragð og hefja það upp á næsta stig. Granatepli eru sérstaklega rík af kraftmiklum andoxunarefnum og talin geta dregið úr bólgum og sveppasýkingu ásamt því að stuðla að bættri hreyfigetu. 

4 handfyllir grænkál, eða um 250 g

½ gúrka

1/2 bolli granateplakjarnar

1 avókadó

handfylli graskersfræ 

Tahinidressing:

2 msk ólífuolía

1 ½ msk tahini

2 msk eplaedik

safi úr einni límónu

svartur pipar

AÐFERÐ:

Fjarlægið grænkálið af stönglinum. Skerið eða rífið í hæfilega bita og setjið í salatskál. Blandið sósuna með gaffli í lítilli skál og hellið henni yfir grænkálið, veltið með höndum (eða tveimur skeiðum) til að mýkja það. Opnið granateplið með með því að skera blómið af toppnum. Skerið næst varlega í fjórar rákir langsum eftir eplinu og fjarlægið börkinn eins og gert er þegar appelsína er skræld. Fjarlægið næst himnuna (þunnu blöðin) frá granateplakjörnum. Ef illa gengur að losa himnuna frá er gott að leggja kjarnana í bleyti, þá flýtur himnan upp. Þá er auðvelt að veiða þá uppúr. Dreifið gúrku, graskersfræi, avókadói og eplakjörnum yfir salatið og fegrið með því að toppa með örlítið fleiri granateplakjörnum efst.

HOLLRÁÐ: Fyrir matarmeira salat og auka prótein má bæta við rifnum gulrótum og rauðkáli, kirsuberjatómötum og kjúklingabaunum.

Gjafaáskrift

Gefðu fallega og innihaldsríka gjöf Skoða nánar

HandPicked Reykjavik bókin

Er komin út og fæst í helstu bókabúðum skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Skrifað af

Í boði náttúrunnar er vandað tímarit sem var stofnað árið 2010. Vefur tímaritsins ibodinatturunnar.is var settur á laggirnar til þess að dreifa góðum boðskap til stærri hóps. Við viljum bæta lífsgæði fólks með því að efla tenginguna við náttúruna með fróðleik og innblæstri. Með þessari tengingu stuðlum við að meiri sjálfbærni og heilbrigði.

Taktu þátt í umræðunni