Gulróta- og engifer djús

Síðustu tvo mánuði hef ég verið að koma mér fyrir í Svíþjóð og kann einstaklega vel við mig hérna hingað til. Veðrið er búið að vera dásamlegt þetta haustið, en nú kólnar með hverjum deginum. Síðustu daga hef ég í kjölfarið verið orkulaus og með smá kvef. Eitt af því sem ég geri á veturna þegar mér líður svona og til þess að halda hreysti er að “djúsa”. Gulróta & engifer djúsinn gerir kraftaverk þegar ég finn fyrir flensu og slappleika og geri ég hann því mjög oft. Samsetningin af gulrótum, sítrónu og mintu er líka svo bragðgóð!

IMG_3012

Ef þú vilt safann örlítið sætari þá getur þú bætt við einu eða tveimur eplum í djúsvélina en mér finnst hann fullkominn eins og hann er.

Innihald

  • 5 meðalstórar gulrætur
  • 1 gúrka
  • 1 sítróna
  • Smávegis af engifer
  • Handfylli af mintu laufum

Aðferð

Hæg djúsvél (slow juicer) virkar aðeins öðruvísi en venjuleg djúsvél. Eins og nafnið gefur til kynna þá vinnur hún hægt svo að það þarf smá þolinmæði í verkið. Ólíkt hefðbundnum djúsvélum þá þarf þessi tegund ekki þína krafta, því er óþarfi að þrýsta grænmetinu niður. Um leið og blaðið snertir matinn þá þarf vélinn ekki frekari aðstoð. Gott ráð er að setja aðeins eitt stykki í einu svo að djúsvélin vinni sem best úr matnum.

IMG_3022

Eitt af því fáa sem ég flutti með mér út frá Íslandi var djúsvélin mín frá Kuvings (slow juicer). Þetta er uppáhalds eldhústækið mitt þar sem hver einasti dropi úr ávextinum/grænmetinu endar í glasinu og hratið kemur út nánast þurrt. Það er einnig mjög auðvelt að þrífa hann sem munar öllu!

IMG_3056

Eigðu góða viku og njóttu uppskriftarinnar!

Helga María


Gjafaáskrift

Gefðu fallega og innihaldsríka gjöf Skoða nánar

FÆÐA/FOOD - fyrir matgæðinginn

Sérrit Í Boði náttúrunnar um mat og matarmenningu á íslensku og ensku. skoða nánar

Dagatal 2018

NÝTT Dagatal og skiplagsblöð komin úr fyrir árið 2018 innblásið frá náttúrunni. Fallegt heima og á skrifstofuna skoða nánar

More from Helga María Ragnarsdóttir

Taktu þátt í umræðunni