*Jólabakstur* Marsípan molar

IMG_0603

Jólin eru að nálgast og við hjá Í boði náttúrunnar ætlum að leita uppi hollar útgáfur af jólakonfekti og bakstir. Þessi uppskrift frá Valdís er einstaklega vænleg til vinnings:

Botn: / 1 bolli möndlumjöl / 2 msk hlynsíróp / 1 msk kókosolía (fljótandi) / 1/4 tsk möndludropar eða extraxt / smá salt.Kókosfylling: / 1 bolli kókosmjöl / 3 msk hlynsíróp / 2 msk kókosolía (fljótandi) / 1 msk vatn.Súkkulaði: / 1/4 bolli kakóduft / 1/4 bolli kókosolía (fljótandi) / 2 msk hlynsíróp.

  1. Setjið bökunarpappír í form, ég notaði venjulegt jólakökuform.
  2. Setjið kókosolíukrukkuna í heitt vatn svo olían verði fljótandi.
  3. Blandið öllu sem er í botninum saman í skál, hrærið vel saman þar til verður að deigi og pressið slétt í botninn á forminu.
  4. Blandið öllu sem er í kókosfyllingunni saman og hrærið vel. Setjið yfir botninn og sléttið.
  5. Búið til súkkulaðið í skál, pískið smá til að fá fallega áferð á það og hellið yfir.
  6. Setjið í frysti og tilbúið eftir 1-2 tíma.
  7. Skerið í fallega bita og berið fram beint úr frysti, það er betra að bera þá fram kalda.

Þessir ótrúlega einföldu og meiriháttar góðu bitar komu alveg óóótrúlega á óvart. Þvílíkt nammi. Ég held ég sé búin að finna jólakonfektið mitt svo gott er þetta.

 

IMG_0574IMG_0580

IMG_0615Ég fann þessa dásemdar dásemd á detoxinista.com

Dagatal 2018

NÝTT Dagatal fyrir árið 2018 innblásið frá náttúrunni kemur út í lok nóvember. Fallegt heima og á skrifstofuna skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Gjafaáskrift

Gefðu fallega og innihaldsríka gjöf Skoða nánar

Tögg úr greininni
, , , ,
Skrifað af

Valdís Sigurgeirsdóttir er móðir, eiginkona og flugfreyja hjá Icelandair. Hún hefur lengi haft mikinn áhuga á heilsu og heilsusamlegum mat og hefur m.a. stundað nám við Heilsumeistaraskólann. Hún ákvað í byrjun árs 2014 að gera tilraun til að minnka til muna sykur- og glútenmagn og bjó þá í kjölfarið til blogg sem hefur aldeilis slegið gegn: ljomandi.is þar sem hún deilir uppskriftum og heilsuráðum með einstaklega fallegu myndefni sem hún tekur sjálf, enda ferlega laginn áhugaljósmyndari. Instagram @ljomandi

Taktu þátt í umræðunni