Matarljósmyndun hefur aukist með tilkomu snjallsíma og myndrænna félagsmiðla og í raun orðið að áhugamáli hins venjulega matgæðings. Fólk tekur myndir af diskinum sínum; hvort sem það er morgunmatur, snarl eða veislumatur, og deilir stolt með vinum og vandamönnum.
Við ákváðum að fagna þessari nýju/gömlu hefð og efna til matarljósmyndakeppi Í boði náttúrunnar. Við fengum sendar inn margar fallegar myndir af mat og máltíðum og leyfðum vinum okkar á Facebook að velja þá bestu.
Hér eru myndirnar fimm sem valið var úr en sú sem sigraði með yfirburðum var tekin í Flatey á Breiðafirði af Maríu Gestsdóttur og er af kjötsúpu með gömlu húsin í bakgrunni. María hlýtur að launum veislu fyrir sex á Mat og drykk. Til hamingju María!
Við þökkum bæði þeim sem sendu inn myndir og þeim sem kusu kærlega fyrir þátttökuna.
1. sæti: María Gestsdóttir
2. sæti : Sigríður Rún Kristinsdóttir
3. sæti: Thelma Gunnarsdóttir
4. sæti: Sæunn Þorsteinsdóttir
5. sæti: Hanna Kristín Másdóttir
