Munnskol – og hvítari tennur!

Oil_pulling

Í síðasta tölublaði Í boði náttúrunnar skoðuðum við ýmsar náttúrulegar aðferðir til snyrtingar. Að bæta tannheilsuna með því að hreinsa munninn með olíu er ævaforn aðferð frá Indlandi. Olían er sögð geta fjarlægt bakteríur og sýkla sem valda andfýlu og tannskemmdum líkt og munnskol, nema á mun heilbrigðari og umhverfisvænni hátt. Svo á hún líka að hvítta tennurnar ef hún er notuð reglulega. Seljum það ekki dýrara en við keyptum það!

AÐFERÐIN:

1. Skelltu 1-2 teskeiðum af kókosolíu upp í þig. Best er að nota lífræna, kaldpressaða kókosolíu (má líka nota sólblóma- eða ólívuolíu). Einnig má setja 1-2 dropa af bakteríudrepandi ilmkjarnaolíum (ATH! hvort innbyrða megi ilmkjarnaolíuna) eins og piparmyntu eða tea tree-olíu með í skeiðina til að auka á áhrifin.

2. Veltu olíunni til í munninum í 10-20 mínútur. Þessi tími er nægilega langur til að brjóta niður bakteríur en ekki of langur þannig að líkaminn fari að sjúga aftur í sig eiturefnin og bakteríurnar.

3. Skyrptu olíunni í klósettið eða ruslið. Alls ekki kyngja olíunni því að hún er að öllum líkindum full af bakteríum og eiturefnum sem þú vilt losa þig við. Einnig er mikilvægt að skyrpa henni ekki í vaskinn þar sem kókosolían harðnar auðveldlega og getur stíflað pípurnar.

4. Hreinsaðu munninn vel með volgu vatni. Veltu vatninu nokkrum sinnum um í munninum til að hreinsa afganginn af olíunni vel út og skyrptu.

5. Burstaðu tennurnar. Eftir hreinsunina er gott að bursta tennurnar vel og ljúka þannig góðri og hressandi meðferð. Það má svo gera þetta eins oft og þurfa þykir.

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

HandPicked Reykjavik bókin

Er komin út og fæst í helstu bókabúðum skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Tögg úr greininni
, , ,
Skrifað af

Dagný er vefritstýra ibn.is og ritstýra tímaritsins Í boði náttúrunnar. Hún er með BA próf í Ritlist og Listfræði og MA próf í Hagnýtri ritstjórn og útgáfu. Dagný er vatnsberi, lærður jógakennari með ástríðu fyrir handverki, náttúruvernd og heilnæmum lífstíl.