Náðu þér niður

Child's Pose (Balasana)

Hver kannast ekki við það að koma á hlaupum inn í jógatíma? Þú keyrir hratt úr vinnunni með miklar áhyggjur af því hvort tíminn verði fullur þegar þú loksins kemst á áfangastað. Sprettir inn í salinn og tekur frá pláss (ef það er ekki þegar orðið fullt) og þaðan ferðu á hlaupum inn í búningsherbergið og hoppar í fötin (að öllum líkindum ferðu í buxurnar á röngunni!). Kemur svo inn í salinn móð/ur og rétt nærð að stökkva á dýnuna þegar kennarinn bíður góðan daginn.

Ef þú kemur á hlaupum inn í jógatíma þá tekur dágóðan tíma fyrir líkama og huga að róa sig niður. Það tekur tíma að losa sig við stressið og áhyggjurnar sem búið er magnast upp yfir daginn og margfaldast á leiðinni í tímann sem og streituna sem heltekur líkamann og hugann eftir strembinn dag í vinnunni. Axlirnar eru stífar, öndunin er grunn og hugurinn á fullu. Það er erfitt að byrja jógatíma með allt ofangreint á herðunum. Það hefur áhrif á andlega og líkamlegu getu þína í tímanum.

Að ná að slaka á á dýnunni áður en tíminn byrjar, gera öndunaræfingar, teygja á eða bara sitja með lokuð augun hjálpar til við að færa okkur í núið og leggja verkefni dagsins til hliðar. Það hjálpar okkur að færa einbeitinguna og okkur sjálf inn í salinn, á dýnuna okkar. Að leggja 10 mín. fyrr af stað getur gert gæfumunin, þú munt njóta tímans betur og fá töluvert meira úr honum.

Prófaðu það þegar þú hefur tök á og finndu muninn.

Ef þú hefur ekki tök á að leggja fyrr af stað reyndu þá sætta þig við þá staðreynd að þú verðir í seinni kantinum og að stressa sig upp og fyllast af áhyggjum gerir þér engan greiða. Flýttu þér þá hægt og notaðu bílferðina til þess að slaka á og undirbúa þig fyrir tímann.

Njóttu þess að fá sem mest út úr jógatímanum og þú getur.

Sara

áskrift af tímaritinu

Tímarit um heilbrigðan og sjálfbæran lífsstíl Skoða nánar

Dagatal 2018

NÝTT Dagatal fyrir árið 2018 innblásið frá náttúrunni kemur út í lok nóvember. Fallegt heima og á skrifstofuna skoða nánar

Gjafaáskrift

Gefðu fallega og innihaldsríka gjöf Skoða nánar

Skrifað af

Sara Snædís Ólafsdóttir er með BS gráðu í viðskiptafræði með áherslu á stjórnun og forystu frá Háskóla Íslands. Hún starfar hjá Fjárvakri ásamt því að kenna jóga í Hreyfingu og Yoga Shala. Hún hefur dansað ballet og nútímadans frá unga aldri hjá Klassíska Listdansskólanum og kláraði 1 ár við dansháskólann Laban í London. Síðustu ár hefur hún einbeitt sér meira að jóga og er nýkomin frá Goa á Indlandi þar sem hún lærði jóga hjá Mark Darby, Kino MacGregor og Tim Feldmann. Fylgstu með Söru á Instagram: @sarasnaedis