Ómótstæðilegt epla nachos

2013-05-05-13-34-38

Epla nachos, ójá….”I kid you not”!! Þessi réttur er svo mikil snilld að ég get varla lýst því. Hann er ofureinfaldur, fljótlegur, fáránlega bragðgóður og hollur..check check check…já hann hefur það allt! Hann hentar sérstaklega vel sem snarl fyrir börn, sem forréttur, smáréttur eða eitthvað alveg nýtt í saumaklúbbinn. Þennan verði þið að prufa.

2013-05-05-13-34-21

Ómótstæðilegt epla nachos
3-4 rauð epli, kjarnahreinsuð og skorin í sneiðar
1/2 sítróna eða límóna
4 msk hnetusmjör (fínt)
1 lúka möndlur, niðurskornar
1 lúka pekanhnetur
1 lúka kókosflögur
1 lúka súkkulaðidropar

(kókosolía)

Aðferð

  1. Raðið eplasneiðunum á disk og kreistið sítrónusafa yfir. Sýran í sítrónunni kemur hér í veg fyrir að eplin verði brún.
  2. Bræðið hnetusmjörið í potti og dreifið yfir eplin (ef það reynist erfitt er gott að þinna það með kókosolíu).
  3. Stráið möndlum, pekanhnetum, kókosflögum og síðan súkkulaðidropum yfir allt  og endið með því að dreifa fljótandi hnetusmjörinu yfir allt. Geymið í nokkrar mínútur og leyfið hnetusmjörinu að harðna örlítið.

Hér er ekkert heilagt og tilvalið að prufa sig áfram með t.d. ferskum berjum, hunangi, sýrópi, öðrum hnetum og þess háttar. Tilvalið að nýta það sem maður á nú þegar til. Athugið að það er erfitt að bræða gróft hnetusmjör, best að hafa það sem fínast.

safnaðu tímaritinu

Eldri blöð kosta einungis 850 kr. Skoða nánar

HandPicked Reykjavik bókin

Er komin út og fæst í helstu bókabúðum skoða nánar

Gjafaáskrift

Gefðu fallega og innihaldsríka gjöf Skoða nánar

Skrifað af

Berglind er hjúkrunarfræðingur, rithöfundur og eigandi matarbloggsins Gulur, rauður, grænn og salt. Bloggið er eitt vinsælasta matarblogg landsins og er fullt af frábærum uppskriftum. Fyrsta bók GulurRauðurGrænn&salt – Fljótlegir réttir fyrir sælkera hefur einnig aldeilis slegið í gegn!

Taktu þátt í umræðunni