Raw lakkrís karamella

files

Stundum þarf maður nauðsynlega að eiga eitthvað sætt í frystinum. Þessi karamella er súper einföld og súper bragðgóð. Hún er líka margfalt hollari en flestar karamellur eða annað sem inniheldur lakkrís.

Hráefni:

  • Tæpir tveir bollar döðlur
  • 2 tsk af lakkrísduft (eða meira – fer eftir því hvað þið viljið mikið lakkrísbragð)
  • Smá sjávarsalt

Aðferð:

  1. Setjið döðlurnar í matvinnsluvél ásamt lakkrísduftinu og sjávarsaltinu.
  2. Blandið öllu vel saman eða þar til allt er orðið að kekkjalausri ljósbrúnni klessu 🙂
  3. Setjið bökunarpappír á skurðbretti.
  4. Setjið deigið á bökunarpappírinn og fletjið úr með sleikju. Athugið að deigið er MJÖG klístrað svo að þolinmæði er nauðsynleg við þessa iðju.
  5. Þegar þið eruð búin að jafna úr deiginu þannig að það er nokkuð jafnt að þykkt, takið þá hníf og gerið rendur í deigið. Þetta er gert svo að það sé auðveldara að skera/slíta sér bita þegar karamellan er tilbúin.
  6. Setjið inn í frysti í klukkutíma eða svo. Þá er karamellan tilbúin.

files (1)

ATH. #1 Ég notaði döðlur frá Sólgæti. Þær eru mjúkar og góðar. Ef döðlurnar eru ekki nógu mjúkar, þá er gott ráð að láta þær liggja í heitu vatni í smá stund (10 mín sirka) áður en þið notið þær.

ATH. #2 Ég notaði lakkrístduftið frá Johan Bülow en það er alveg hreint lakkrísduft (enginn sykur eða annað í því) og alveg meiriháttar gott. Lakkrísduftið fæst m.a. í Motivo á Selfossi og Epal í Reykjavík.

ATH. #3 Varúð! Þessar karamellur eru sjúklega góðar! Einu sinni smakkað, þið getið ekki hætt 🙂

 

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Gjafaáskrift

Gefðu fallega og innihaldsríka gjöf Skoða nánar

Tögg úr greininni
, , , , ,
Skrifað af

Jóhanna S. Hannesdóttir er móðir, eiginkona, blaðamaður, garðyrkjubóndi og heilsubloggari. Hún er með BA gráðu í þjóðfræði og fjallaði lokaritgerðin hennar um ísskápshurðir. Jóhanna hefur m.a. skrifað bókina „100 heilsuráð til langlífis" en hún hefur mikinn áhuga á heilsu og þá sérstaklega langlífi. Jóhanna skrifar fyrir Sunnlenska.is þar sem má finna hollar og heilnæmar uppskriftir.

Taktu þátt í umræðunni