Girnilegar jólauppskriftir

rapunzel-karamelluepli

Eitt af mörgu sem gleður við jólahátíðina er jólaundirbúningurinn sem færir fjölskyldu og vini saman á góðum stundum. Partur af því er alls kyns stúss í eldhúsinu eins og bakstur, laufabrauðsgerð o.fl.

Í eldhúsinu viljum við hjá ÍBN fylgja grænni stefnu eins og í öllu öðru og mælum því með fyrirtækjum sem framleiða lífrænar og umhverfisvænar vörur. Þýska fyrirtækið sem framleiðir vörulínuna Rapunzel eru frumkvöðlar í lífrænni ræktun sem leggja ekki bara sérstaka áherslu á gæði matarins heldur einnig á lífsgæði bændanna sem rækta hann. Hér fylgja tvær ljúffengar uppskriftir með vörum frá Rapunzel.

Karamelluepli með súkkulaði og hnetum

Innihald:

5 lítil lífræn epli
20 Rapunzel steinalausar döðlur
100ml heitt vatn
1 tsk Rapunzel vanilluduft
30g Rapunzel heslihnetur
30g Rapunzel möndlur
20g Rapunzel kínóapúff
50g Rapunzel hvítt súkkulaði
50g Rapunzel dökkt súkkulaði (60%)

Aðferð:

  1. Saxið hnetur og möndlur.
  2. Setjið döðlur og vanillu í matvinnsluvél/blandara og bætið vatni varlega saman við, þar til áferðin verður eins og þykk karamella.
  3. Bræðið hvítt og dökkt súkkulaði í sitthvoru lagi yfir vatnsbaði.
  4. Afhýðið eplin og stingið pinna eða lítilli grein í þau.
  5. Smyrjið karamellunni á eplin með smjörhníf þar til þau eru þakin karamellu.
  6. Sáldrið hnetum, möndlum og kínóapúffi yfir eplin og skreytið þau svo með dökku og/eða hvítu súkkulaði.
  7. Kælið í ísskáp og berið fram kalt.

———————————————————————————————————–

rapunzel-kokosbitar

 Kókos súkkulaðibitar

Innihald:

300 g Rapunzel kókósflögur
60 g Rapunzel hlynsíróp
1/2 tsk Rapunzel sjávarsalt
90 g Rapunzel kókosrjómi (veiddur ofan af kókosmjólk úr dós)

Súkkulaðihjúpur:

120 g Rapunzel kakósmjör
120 g Rapunzel möndlusmjör ljóst
60 g Rapunzel kakóduft
60 g hlynsíróp
1/2 tsk Rapunzel sjávarsalt
1 tsk Rapunzel Bourbon vanilla

Aðferð:

Malið kókosflögur meðalgróft í matvinnsluvél, blandið saman við hin hráefnin og hnoðið saman. Mótið deigið í mátulega bita með höndunum. Leggið þá á bökunarpappír á disk og frystið á 10 mín.

Bræðið kakósmjör yfir vatnsbaði. Þegar smjörið er bráðið er hinum hráefnunum bætt við og hrært vel saman. Takið kókosbitana úr frystinum. Dýfið í súkkulaðið og veiðið strax upp úr og leggið á bökunargrind.
Kókosbitarnir eru settir aftur í frysti í 5 mínútur. Eftir það eru þeir tilbúnir og geymast best í ísskáp.

 

HandPicked Reykjavik bókin

Er komin út og fæst í helstu bókabúðum skoða nánar

safnaðu tímaritinu

Eldri blöð kosta einungis 850 kr. Skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Skrifað af

Í boði náttúrunnar er vandað tímarit sem var stofnað árið 2010. Vefur tímaritsins ibodinatturunnar.is var settur á laggirnar til þess að dreifa góðum boðskap til stærri hóps. Við viljum bæta lífsgæði fólks með því að efla tenginguna við náttúruna með fróðleik og innblæstri. Með þessari tengingu stuðlum við að meiri sjálfbærni og heilbrigði.

Taktu þátt í umræðunni