Markmiðið okkar er að finna og miðla góðum sögum og hugmyndum sem hvetja okkur til að LIFA BETUR – í takt við náttúruna.
Í BOÐI NÁTTÚRUNNAR er fyrirtæki með hugsjón og skilgreinum við okkur sem „hæga“ útgáfu sem hefur vaxið og dafnað „lífrænt“ síðan 2010.
Við gefum út tímaritið, Í boði náttúrunnar, þrisvar sinnum á ári og sérritið FÆÐA/FOOD einu sinn á ári ásamt því að halda úti þessum tiltekna vefmiðli. Við framleiðum umhverfisvænar vörur sem við seljum og sendum til áskrifenda okkar, eins og t.d. handteiknað dagatal og náttúrukort. Einnig gefum við út sérsniðnar ferðahandbækur og ferðakortin HandPicked Iceland þar sem við handveljum upplifanir í okkar anda fyrir íslenska og erlenda ferðalanga.
Við gefum svo að sjálfsögðu náttúrunni til baka með því að planta einu tré á ári fyrir hvern áskrifenda á fallegu svæði í Heiðmörk, þar sem skrifstofan okkar hefur alla tíð verið staðsett.
SAGAN OKKAR
Útgáfu ævintýrið byrjaði haustið 2009 þegar við hjónin, Guðbjörg Gissurardóttir hönnuður og Jón Árnason hugmyndasmiður, byrjuðum með útvarpsþátt á RÚV sem við kölluðum, Í boði náttúrunnar. Þátturinn var í spilun hjá RÚV í þrjú sumur og var um matjurtarækt og sjálfbæran lífstíl, sem reyndist þakklátt efni í miðri kreppu. Árið 2010 leit svo fyrsta eintakið af tímaritinu Í boði náttúrunnar dagsins ljós. Tímaritið inniheldur öll okkar helstu áhugamál, sem lúta að grænum lífstíl, með virðingu fyrir okkar einstöku náttúru að leiðarljósi. Við erum partur af náttúrunni og við nálgumst efnið út frá því hvernig við nýtum náttúruna, verndum hana og njótum, um leið og við hugum að okkar heilsu, næringu og andlegri líðan. Vefsíðan okkar, ibn.is, fór í loftið í febrúar 2014. Með henni getum við veitt enn frekari innblástur og miðlað efni sem við teljum skipta máli og er mikilvægur hlekkur í þeirri hugafarsbreytingu sem er að eiga sér stað varðandi umhverfismál og náttúrulegar leiðir að andlegri og líkamlegri heilsu.
Við viljum að Í boði náttúrunnar taki virkan þátt í þeirri mikilvægu vitundarvakningu sem tengist umhverfismálum og betri lífsgæðum, og þannig stuðla að jákvæðum áhrifum á menn og náttúru.
LIFUM BETUR – eitt blað í einu!
Guðbörg fékk tilnefningu til FJÖLMIÐLAVERÐLAUNA Umhverfisráðuneytisins 2013
STARFSFÓLK
Guðbjörg Gissurardóttir: MA í Communication Design, Pratt Institude. Stofnandi, ritstýra, listrænn stjórnandi og auglýsingastjóri – gg(hjá)ibn.is – 8615588
Jón Árnason: Stofnandi, ljósmyndari í hjáverkum o.fl. tilfallandi. jonsi(hja)ennemm.is
Bergdís Sigurðardóttir: Hönnun / uppsetning
Bergdisdesign@gmail.com
Anna Helgadóttir: Prófarkalestur
Einnig starfa fyrir ÍBN Sjálfstætt starfandi blaðamenn, ljósmyndarar og annað hæfileikaríkt fólk.
STARFSNÁM Í BOÐI fyrir nema í fjölmiðlun, hönnun, viðskiptafræði, ferðamálafræðum o.fl.
