Náttúrulegur svitalyktareyðir – DIY

Svitalyktareyðar geta innihaldið ýmis eiturefni sem hafa verið tengd við sjúkdóma eins og brjóstakrabbamein og Alzheimer. Álefni (aluminum) og paraben eru þar mestu skaðvaldarnir en við ættum sérstaklega að leitast við að kaupa svitalyktareyði án þessara efna. Mörgum finnst þó náttúrulegir svitalyktareyðar ekki virka og eru á hinni endalausu leit af góðum en um leið náttúrulegum eyði sem gerir gagn. Við höfum prufað ótal margt, borið saman bækur okkar og spurt vini og fundið þannig nokkra uppáhalds sem virka vel og eru eins náttúrulegir og þeir gerast. Hér fylgir einnig uppskrift af góðum svitalyktareyði:

Svitalyktareyðir – innihald

  • 3 tsk kókosolía
  • 3 tsk matarsódi
  • 2 tsk shea smjör
  • 2 tsk Arrowroot (ekki nauðsynlegt)
  • nokkrir dropar af ilmkjarnaolíu (ekki nauðsynlegt)
  1. Bræddu Shea smjörið og kókosolíuna með því að blanda  saman í krukku, loka henni og láta renna á hana heitt vatn þar til þetta rennur saman.
  2. Bættu út í matarsóta og arrowroot ( ef þú átt ekki arrowroot, notaðu þá meiri matarsóda).
  3. Blandaðu vel saman.
  4. Bættu við ilmkjarnaolíu að eigin vali og geymdu svo blönduna í krukku á dimmum stað.
  5. Einnig er hægt að láta þetta í kæli og setja svo í umbúðir af gömlum svitalyktareyði svo að það sé auðveldara að bera eyðinn á.

TOPP 4 listinn:

DSCF5402

Schmidt´s Natural Deodorant: Þetta er líklega einn sá hreinasti svitalyktareyðir sem við höfum fundið en hann er fæst í vefversluninni Freyja boutique er úr 100% náttúrulegum innihaldsefnum.  Schmidt´s Natural Deodorant eru vegan og ekki prófað á dýrum. Hann er í krukku og maður ber hann á eins og krem með fingrunum.

Dr. Organic: Til í öllum Heilsuhúsum í nokkrum ilmum. Þessi er blautur og með rolloni sem er þæginlegt og hann ilmar vel, sérstaklega coconut ilmurinn.

Naturally fresh deodorant crystal: Þessi er eins náttúrulegur og þeir gerast, er með aloe vera og fæst í Góð heilsa, gulli betri. Steinn sem þú bleytir og nuddar svo í handakrikann.

Nutribiotic svitalyktareyðir: Fæst í Gló í Fákafeni, er í stifti. Hægt að fá án ilmefna, lavender eða mangó/melónu ilm.

Til að fá sem bestan árangur með þessum svitalyktareyðum þá er ráð að setja örlítið af matarsóda í handakrikan eftir að eyðirinn er settur á, ef mikið liggur við. Það er ótrúleg snilld sem heldur þér vel ilmandi í tvo daga!
FÆÐA/FOOD - fyrir matgæðinginn

Sérrit Í Boði náttúrunnar um mat og matarmenningu á íslensku og ensku. skoða nánar

Gjafaáskrift

Gefðu fallega og innihaldsríka gjöf Skoða nánar

Tögg úr greininni
,

Taktu þátt í umræðunni