Kartöflu- og blaðlaukssúpa

mynd fra rakel 3
Súpur og pottréttir eru uppáhalds maturinn minn á þessum árstíma. Það er svo notalegt að borða stóra skál af súpu á köldum rigningardegi.

Ég er einnig mikill aðdáandi máltíða sem tekur ekki langan tíma að búa til. Stór pottur, nokkur innihöld og stuttur undirbúningstími og ég er ánægð!

Fyrir nokkrum vikum smakkaði ég kartöflu- og blaðlaukssúpu sem var toppuð með vegan “sýrðum rjóma” og linsubaunum sem ég varð að reyna að búa til sjálf. Í gær prufaði ég hana loksins og hún var æðisleg, jafnvel betri en þessi sem ég smakkaði:)

mynd frá rakel 2

Súpan er:

  • Rjómakennd
  • Einföld
  • Mettandi
  • Bragðmikil
  • Fullkomin á köldum vetrardegi

Þessi uppskrift er frábært ekki bara útaf því hversu góð súpan er heldur einnig af því að hún er einföld og tekur minna en klukkutíma að búa til. Þannig eiga góðar uppskriftir að vera, ekki satt?

Svo til viðbótar væri kál eða spínat góð viðbót í súpuna. Ef þú þorir að prufa, láttu mig vita hvernig hún var.

Súpan er frábær á dögum þar sem þér langar í eitthvað einfalt og bragðgott en vilt ekki ná þér í eitthvað óhollt. Ef þú ert í stuði fyrir smá brauðmeti með þá er um að gera að baka hvítlauksbrauð og hafa með.
Einnig ef þú finnur hvergi vegan sýrðan rjóma ekki hafa áhyggjur, þú getur búið til þinn eigin úr kasjúhnetum eða bara sleppt honum. Súpan er smakkast samt dásamlega.
mynd fra rakel

INNIHALD:

8 litlar kartöflur, skrældar og skornar í diska

1 miðlungs blaðlaukur skorin í hæfilega bita

1 gulur laukur, skorin smátt

1 matskeið frosin steinselja

1 teningur af grænmetiskrafti

1 líter af vatni

250 ml vegan matreiðslurjómi (ég notaði frá Oatly)

Nokkrir dropar af sesam olíu

salt og pipar eftir smekk

Til að bera fram

Vegan sýrður rjómi

Soðnar brúnar linsubaunir

mynd fra rakel 1

AÐFERÐ

  1. Settu stóran pott á miðlungs hita
  2. Þegar hann er orðinn heitur settu þá smá olíu eða vatn, kartöflurnar, blaðlaukinn og laukinn. Eldaðu í fimm mínútur og hrærðu reglulega.
  3. Bættu við grænmetiskrafti, vatni, salti og pipar
  4. Leyfðu súpunni að koma upp að suðu og lækkaðu svo hitann og leyfðu að malla í 15 mínútur.
  5. Bættu við matreiðslurjómanum og sesam olíunni og leyfðu að malla í 10 mínútur.
  6. Notaðu töfrasprota eða settu súpuna í blandara til að mauka. Mér finnst gott að hafa hana vel maukaða en einnig gott að hafa nokkra bita með.
  1. Smakkaðu og kryddaðu til. Kannski viltu meira af sesam olíu eða steinselju. Eldaðu í nokkrar mínútur til viðbótar á miðlungs hita
  2. Skreyttu loks með vegan sýrðum rjóma og linsubaunum og berðu fram!

Vonandi smakkast hún vel!

Helga María

 

Dagatal 2017

NÝTT Dagatal fyrir árið 2017 innblásið frá náttúrunni. Fallegt heima og á skrifstofuna skoða nánar

safnaðu tímaritinu

Eldri blöð kosta einungis 850 kr. Skoða nánar

áskrift af tímaritinu

Tímarit um heilbrigðan og sjálfbæran lífsstíl Skoða nánar

Skrifað af

Helga María er vegan matarbloggari, staðsett í Gautaborg í Svíþjóð. Hún gekk í menntaskólann við Hamrahlíð og lærði jazz söng í FÍH. Hún gerðist vegan sumarið 2011 og stofnaði í kjölfarið matarbloggið helgamaria.com. Þar skrifar hún um vegan matargerð og heilsu. Auk þess birtir hún uppskriftir sínar á facebook síðunni veganistur ásamt systur sinni. Helga hefur mikinn áhuga á matargerð, bókmenntum og tónlist og eyðir tímanum sínum yfirleitt í að elda góðan mat, lesa bækur eða syngja í kórum. 

Taktu þátt í umræðunni