7. orkustöðin – Vatn, loft, lavender og Flothettan

Nærum tengsl okkar við alheimsvitundina með lavender & floti.

Sagt er að alheimsorkan flæði eins og foss niður eftir hryggjasúlunni í gegnum hvirfilsstöðina, eða 7. Orkustöðina. Þessi kvöldorkustöð tengist uppsprettu alls; náttúrunni og því að njóta hennar. Ef við nærum hvirfilstöðina áður en við svífum inn í draumaheima eflir það tengsl okkar við alheimvitundina, okkar æðra sjálf.

Það er því ekki síðra að hefja daginn en ljúka honum með nærandi blómadropunum. 7. orkustöðin, oft líka nefnd sæti sálarinnar, þrífst allt í senn á sólarljósi, mánaskini, fersku lofti og kærleik. En tengist líka inn á lavender og pastelliti. Lavender er undursamleg jurt sem róar og nærir. Það er ekki af ástæðulausu að lavender er sá ilmur sem settur er í sængurverin fyrir hvíld og góða drauma. Annar ilmur og mjög merkilegur sem nýtist hvirfilsstöðunni vel er Frankincense ilmkjarnaolían. Hún inniheldur einstakan frumkjarna sem getur krossað á milli heila/blóð tálma og blásið nýju lífi í ósjálfráða taugakerfið. Frankincense olían var meðal gjafanna sem vitringarnir þrír færðu Jesú Kristi nýfæddum í Betlehem.

Draumaflot

Eitt af því undursamlegasa sem hægt er upplifa fyrir tengingu inn á 7. orkustöðina er að fljóta í sundlaugum landsins eða heitum pottum með aðstoð íslensku Flothettunnar. Það er vísindalega sannað að við það að fljóta í vatni víkja streituvaldandi efni, eins og adrenalín og kortisól, fyrir vellíðunarhormónunum endorfíni og beta endorfíni. Um leið hægir á huganum, heilahvelin samstillast og dýpra stig slökunar næst, svokallað þetabylgjuástand þegar djúp ró færist yfir. Ástand sem gjarnan er sagt sambærilegt daglegu vökulífi munka með margra ára hugleiðsluþjálfun að baki.
Í dag gefa vestrænu vísindin frábær fyrirheit um það að láta sig fljóta í vatni hafi mögnuð langtímaáhrif á líðan okkar og geti jafnvel dregið úr áhrifum áfallastreituröskunnar. Í grein sem birtist í hinu virta tímariti Time fyrir nákvæmlega ári síðan var haft eftir Justin Feinstein taugasérfræðingi og eiganda flotrannsóknarmiðstöðvarinnar í Tulsa Oklahoma að flot vekti með honum miklar vonir um að fólk sem aldrei nær að hugleiða geti nú komist í hugleiðsluástand.

Góður drykkur fyrir svefninn:

Glas af blávatni 1 til 2 dropar lífræn lavender kjarnaolía eða Bach blómadropar.

Eða berið lavender á bringuna og þefið af Franikcense kjarnaolíunni.

Starfsemi hvirfilsstöðvarinnar tengist heilaköngli í efri hluta heila og hægra auga. Þar býr viskan. Ójafnvægi í henni getur komið fram sem mígreni, minnisleysi, skynvilla og/eða sorg.

Hér má lesa um stórmerkar flotrannsóknir: http://systrasamlagid.is/read/2016-02-18/stormerkar-flotrannsoknir-vekja-miklar-vonir/

Og ef þið hafið áhuga á að fjárfesta í Flothettu þá er hún í netsölu hér: http://systrasamlagid.is/products/flot

Ljósmyndin er eftir Áslaugu Snorradóttur úr bók hennar Íslensk ofurfæða villt og tamin.