UMSJÓN Dagný B. Gísladóttir
Íslendingar elska útilegur, enda er fátt dásamlegra en að vakna í fersku loftinu við fuglasöng. Ferðalög innanlands fela í sér mikla nostalgíu í mínum huga enda er ég alin upp við stanslaust flakk um landið þar sem skoða átti hvert einasta horn af landinu; bíllinn troðfullur af því „nauðsynlegasta“ og vegahandbókin í hanskahólfinu. Þá fannst mér ekkert betra en að sitja aftur í og syngja með kassettunum, stoppa við á mannlausum áningastöðunum og borða þar samloku með gúrku og smjöri. Í lok dags var svo markmiðið að finna besta staðinn á tjaldsvæðinu til þess að setja upp búðir, þar sem móður minni tókst á ótrúlegan hátt að töfra fram allt sem þurfti, úr agnarsmáa bílskottinu. Sjálf hef ég þó aldrei komið mér upp rétta búnaðinum til að endurtaka leikinn eins vel og hún gerði.
Nú er komið að sumrinu þar sem ég „mastera“ tjaldútileguna og því ráðfærði ég mig við vant útilegufólk og fékk að vita nákvæmlega hvað ég þarf að hafa með í för.
UNDIRBÚNINGUR – TÍMALÍNA
1 vika fyrir brottför
Taka saman allt útilegudót sem er til
Skrifa niður það helsta sem vantar (sjá gátlista)
Fá það sem upp á vantar lánað eða kaupa.
2 dögum fyrir brottför
Byrja að pakka öllu niður
Ákveða máltíðir
Kaupa í matinn
1 degi fyrir brottför
Frysta kælikubba fyrir kæliboxið
Hlaða raftæki
Undirbúa matinn og útbúa nesti
Athuga veðurspána
Raða í skottið
Gera lista yfir spennandi áningastaði
VILTU GÁTLISTA FYRIR FERÐALAGIÐ Á PDF FORMI?
SKRÁÐU ÞIG Á PÓSTLISTAN OKKAR!
