Hinn fullkomni tebolli

Vissulega er sáraeinfalt að hella upp á te en þegar kemur að hinum fullkomna tebolla þá eru það smáatriðin sem skipta máli. Markmiðið er að ná því allra besta úr telaufunum, óvenjulegum eiginleikum, ilm og bragði. Svo er að taka sér góðan tíma og njóta.  

Tedrykkja hefur verið manninum hugleikin í þúsundir ára. Te var lækningadrykkur í fyrstu en svo fór almenningur að neyta þess í auknum mæli sér til heilsubótar og hressingar. Te inniheldur mikið af andoxunarefnum og vítamínum sem skýrir jákvæð heilsubótaráhrif þess á líkamann. Kaffimenning hér á landi hefur tekið risastökk síðasta áratuginn en það má segja að te hafi orðið dálítið út undan í þessari þróun. Við ákváðum að leita til tesérfræðingsins Guðlaugs A. Guðmundssonar hjá Tehúsinu sem fræddi okkur um listina að hella upp á hinn fullkomna tebolla.  

  1. MAGN. Almennt er talað um 2 g í 200 ml bolla en góð þumalputtaregla er ein góð teskeið fyrir einn bolla af tei. Ef telaufin eru hins vegar mjög gróf, þarf meira magn.
  1. HITI. Flest te bragðast best ef notað er u.þ.b. 80°C heitt vatn í tegerðina. Ef vatnið er of heitt getur teið orðið rammt og biturt því laufin leysa þá út meira tannín. Ef hitastigið er hins vegar of lágt getur bragðið orðið flatt og leiðinlegt. Það er því ekki ráðlagt að hella nýsoðnu vatni bent yfir telaufin heldur sýna smá þolinmæði og láta það standa í um mínútu áður en telaufin eru sett út í.
  1. TÍMI. Mælt er með því að tímanum sem gefinn er upp á teumbúðunum sé fylgt en svo er um að gera að prófa sig áfram, bragða á teinu eftir tvær mínútur og svo aftur eftir mínútu til viðbótar o.s.frv. Grænt te er hvað viðkvæmast og verður fljótt biturt ef það er látið standa of lengi. 

Finndu þá blöndu sem hentar þér og mundu að hágæða telauf er hægt að nota oftar en einu sinni!

Þessi grein birtist í vorblaði Í boði náttúrunnar 2013.

Viltu lesa fleiri greinar?

5 fæðutegundir sem losa þig við bólgur og bjúg

Jarðskokkar og sjávartrufflur

FÆÐA/FOOD - fyrir matgæðinginn

Sérrit Í Boði náttúrunnar um mat og matarmenningu á íslensku og ensku. skoða nánar

Gjafaáskrift

Gefðu fallega og innihaldsríka gjöf Skoða nánar

More from Í boði náttúrunnar

Taktu þátt í umræðunni