UPPSKRIFT og MYNDIR Valdís Sigurgeirsdóttir
Jólin eru að nálgast og við hjá Í boði náttúrunnar ætlum að leita uppi hollar útgáfur af jólakonfekti og bakstri, eins og þessir marsípan molar. Þessi uppskrift frá Valdísi Sigurgeirsdóttur er einstaklega vænleg til vinnings:
Botn:
1 bolli möndlumjöl
2 msk hlynsíróp
1 msk kókosolía (fljótandi)
1/4 tsk möndludropar eða extrakt
smá salt
Kókosfylling:
1 bolli kókosmjöl
3 msk hlynsíróp
2 msk kókosolía (fljótandi)
1 msk vatn.
Súkkulaði:
1/4 bolli kakóduft
1/4 bolli kókosolía (fljótandi) 2 msk hlynsíróp.
- Setjið bökunarpappír í form, ég notaði venjulegt jólakökuform.
- Setjið kókosolíukrukkuna í heitt vatn svo olían verði fljótandi.
- Blandið öllu sem er í botninum saman í skál, hrærið vel saman þar til verður að deigi og pressið slétt í botninn á forminu.
- Blandið öllu sem er í kókosfyllingunni saman og hrærið vel. Setjið yfir botninn og sléttið.
- Búið til súkkulaðið í skál, pískið smá til að fá fallega áferð á það og hellið yfir.
- Setjið í frysti og tilbúið eftir 1-2 tíma.
- Skerið í fallega bita og berið fram beint úr frysti, það er betra að bera þá fram kalda.
Þessir ótrúlega einföldu og meiriháttar góðu bitar komu alveg óóótrúlega á óvart. Þvílíkt nammi. Ég held ég sé búin að finna jólakonfektið mitt svo gott er þetta.
Sjá einnig Girnilegar jólauppskriftir
