ANDLITSKREM + LIFUM BETUR
Það er sérstaklega mikilvægt að velja náttúruleg krem fyrir andlitið, sem er minnst varið. Húðin getur verið mjög viðkvæm fyrir náttúruöflunum og getur andrúmsloftið jafnvel haft skaðleg áhrif.
Dr. Hauschka
Soothing Day Lotion er nýtt fljótandi krem frá Dr. Hauschka. Hentar vel fyrir yngri húð og styrkir og róar viðkvæma húð. Kemur í veg fyrir æðaslit og vinnur á roða í húðinni. Í því er blanda með rósarunna, hjólkrónu og maríustakk. Kemur í 50 ml glerglasi með pumpu, sem tryggir gæði og endingu.
Fæst í Hagkaup Kringlu og Smáralind og í völdum verslunum Lyfju.
Æsir
Æsir CBD rakakremið er C- og E-vítamínríkt, nærir húðina og veitir ljóma. Hentar öllum húðgerðum, sérstaklega þeim sem þurfa smá hvatningu í morgunsárið. Dauf og þreytt húð vaknar til lífsins þegar hún kemst í tæri við rósmarín og C-vítamín búst úr bláberjum og hindberjum. Kannabínóðar, unnir úr hampi (CBD), draga úr roða og sefa bólgur. Zink, kollagen og hyaluronic-sýra hjálpa gegn sindurefnum, næra húðina og draga úr fínum línum.
BareMinerals
Retínol er hugsað upp á nýtt í nýrri og byltingarkenndri vegan-kremlínu frá bareMinerals. Í kremlínunni er Phyto-Retinol, náttúrulegur staðgengill retínóls úr jurtaríkinu. Ageless Phyto-Retinol Face Cream er hreint, vegan andlitskrem sem dregur úr fínum línum og öldrun húðarinnar, jafnar áferð hennar og lit. Húðin verður mýkri og unglegri. Phyto-Retinol er jafnáhrifaríkt og retínól, en veldur ekki roða, þurrki eða auknu næmi. Hentar öllum húðgerðum.
Fæst í Hagkaup Kringlu og Smáralind og á beautybox.is
Urtasmiðjan
Morgunfrúarkrem frá Urtasmiðjunni er nærandi og rakagefandi dag- og næturkrem fyrir allar húðgerðir. Í því er E-vítamín, jurtaþykkni og olíur úr morgunfrú, ilmandi gulmöðru og blágresi, sem mýkja og næra húðina og hafþyrknisþykkni sem gefur húðinni gullin lit. Arganolía með sinni djúpu næringu gefur húðinni silkimjúka og frísklega áferð.
Sóley
EyGLÓ andlitskremið frá Sóley nærir húðina og kallar fram náttúrulegan ljóma. Það inniheldur andoxunarefni sem lífga upp húðina og fá þurra og líflausa húð til að ljóma. Í EyGLÓ er blanda af kvöldvorrósarolíu og handtíndum villtum íslenskum jurtum sem næra, mýkja og hafa róandi áhrif á húðina og gefa raka. Hentar öllum húðgerðum. EyGLÓ er með lífræna vottun frá Tún og Ecocert.
AK Pure Skin
AK Pure Skin olíu serum veitir húðinni raka, næringu og bætir áferð hennar. Það inniheldur virk andoxunarefni sem vernda húðina gegn sindurefnum úr umhverfinu, sem geta valdið öldrunareinkennum í húðinni. Í olíu serum eru öflugar, náttúrulegar olíur sem mýkja húðina og binda raka. Má nota kvölds og/eða morgna. AK Pure skin vörurnar eru þróaðar og framleiddar á Íslandi.
Sjá einnig grein Náttúrulegt fyrir andlitið
Þessi grein er úr vorblaði Lifum betur – í boði náttúrunnar 2021
