Jógastaða vikunnar

Woman doing yoga outdoors
HUNDURINN: Adho Mkha Svanasana
Flest könnumst við „ofvirka hugann“ sem gerir okkur þreytt og lúin. Hundurinn er ein af mínum uppáhalds jógastöðum til að róa taugakerfið og hugann í amstri dagsins. Frábært að gera fyrir hugleiðslu; hundurinn – barnið og svo setjast í kyrrðina!
 
STAÐAN: Byrjaðu á fjórum fótum með hendur undir öxlum og hné í mjaðmabreidd. Lyftu svo mjöðmum upp í loft og pressaðu hælana að jörðu. Finndu hrygginn lengjast án þess að fara með axlir upp að eyrum. Ef þú finnur kryppu í efra bakinu, þá er gott að beygja hnén dálítið til að finna opnun í efra bakinu. Andaðu djúpt og rólega í ca. 10 andardrætti. best er svo að hvíla í barninu (setjast á hælana með ennið í gólf og hendur niður með síðum) Gott er að endurtaka hundinn 3svar sinnum til að fá sem mest út úr æfingunni.
 

ÁHRIF: Hundurinn er ein mikilvægasta staðan í jóga. Hún teygir ekki bara á kálfum, yljum, öxlum og handleggjum, heldur bætir hún meltinguna, eykur blóðflæði til heilans, og styrkir taugakerfið. Þannig losum við um stress og þunga og svefninn batnar. Mjög góð til að róa hugann og fá betri einbeitingu. Sérstaklega mælt með á breytingarskeiði. (allar frambeygjur kyrra hugann)

áskrift af tímaritinu

Tímarit um heilbrigðan og sjálfbæran lífsstíl Skoða nánar

Dagatal 2018

NÝTT Dagatal og skiplagsblöð komin úr fyrir árið 2018 innblásið frá náttúrunni. Fallegt heima og á skrifstofuna skoða nánar

FÆÐA/FOOD - fyrir matgæðinginn

Sérrit Í Boði náttúrunnar um mat og matarmenningu á íslensku og ensku. skoða nánar

Tögg úr greininni
, ,
Skrifað af

Auður Bjarnadóttir, hefur kennt jóga síðan 2000. Árið 1999 tók hún sitt fyrsta kennarapróf, hatha/ashtanga í “Mount Madonna” í Kaliforníu. Meðgöngujóganámið hófst í Seattle árið 2000, á Kripalu Center árið 2002 og hjá hinni víðfrægu Gurumukh ‘Khalsa Way’ árið 2005. Auður útskrifaðist sem Kundalini jógakennari árið 2005 í New Mexico. Hún er einnig með kennararéttindi í Yoga Nidra og Yoga Therapíu frá Amrit Institute í Florida. 2012 útskrifaðist sem Dáleiðslutæknir haustið 2012 frá The International School of Clinical Hypnosis. Auður hefur sérhæft sig í meðgöngujóga og fæðingarfræðum og tók Doulu námi hjá Hönd í Hönd 2011. Hún er í framhaldsnámi í Kundalini jóga og sömuleiðis Sat Nam Rasayan heilunarnámi.