Við höldum áfram með fasta liðinn okkar Með hreina samvisku þar sem við búum til heimagert þvottaduft til þess að lágmarka skaða á náttúrunni og okkur sjálfum.
Þvottahúsið
Það er ekki síður mikilvægt að hugsa um það sem við setjum á okkur en í okkur. Húðin tekur inn það sem á hana er sett og getur haft mikil áhrif á líðan okkar. Astmi, ofnæmi og exem eru allt einkenni sem misgóð þvottaefni geta valdið. Þegar þú útbýrð þína eigin þvottablöndu og blandar blómadropum út í ertu ekki aðeins að auka þrifkraftinn og bæta við ferskum ilmi, heldur nýta lækningamátt dropanna. Ef t.d. einhver í fjölskyldunni er með kvef er gott að nota eucalyptus-ilmkjarnaolíu í þvottavélina.
Súpereinfalt heimagert þvottaduft
Hráefni
2 bollar matarsódi
15-20 dropar af ilmkjarnaolíu
Aðferð
Setjið þetta tvennt saman í krukku og hristið vel. Setjið u.þ.m. 1/4 bolla í þvottavélina. Má einnig nota til að handþvo þvott, eða setja teskeið í mýkingarhólfið með öðru þvottaefni
Kröftugt þvottaduft
Hráefni
1 bolli bórax
1 bolli matarsódi með ilmkjarnaolíu (sjá uppskr. hér að ofan)
1 bolli náttúruleg handsápa í flögum (tætt með rifjárni)
Aðferð
Blandið öllu saman og setjið í ílát. Notið 1/2 bolla í fulla, meðalstóra þvottavél.
Hollráð: Gott er að setja af og til nokkra dropa af tea tree-ilmkjarnaolíu í hólfin í þvottavélinni til að halda í skefjum myglusveppi sem oft myndast í þvottavélum og gerir það að verkum að vond lykt festist í fötunum.
Sjá einnig DIY – Heimagerður uppþvottalögur
Þessi grein er úr vorblaði Lifum Betur – í boði náttúrunnar 2014
2 athugasemdir