SUNNLENSKA SVEITIN

SUÐURLAND

Stórbrotnir jöklar, svartir sandar, hraunbreiður, vötn og fossar gera Suðurlandið að einstaklega fjölbreyttum og áhugaverðum áfangastað. Hér er sögufrægasti og vinsælasti ferðamannastaður landsins, stærsta stöðuvatnið, frægasti goshverinn og flest gróðurhúsin og hingað kom Ingólfur Arnarson fyrst að landi.

Suðurland kort með punktum
30.966 km2
31.150 íbúar 
12% landsmanna
south.is

LEIÐAVÍSIR UM SUÐURLAND
GRÆNIR HANDVALDIR STAÐIR SEM STUÐLA AÐ BETRI UPPLIFUN, SJÁLFBÆRNI OG GLEÐI! 

Fjaðrárgljúfur vestur af Kirkjubæjarklaustri.

NÁTTÚRA

1. JÖKULSÁRLÓN
Ísjakarnir í lóninu hafa verið hluti af Breiðamerkurjökli í árhundruði. Þegar sjórinn hefur tekið við þeim, skolar hann þeim aftur upp á svarta ströndina þar sem sindrar á þá eins og risavaxna demanta, enda kalla erlendir ferðamenn ströndina „The Diamond Beach“.

2. FJALLSÁRLÓN Á BREIÐAMERKURSANDI
Einstakt lón þar sem kyrrðin er eingöngu rofin af brestum í jöklinum og þeim ótal ísjökum sem mara þar í hálfu kafi.

3. SKAFTAFELL
Í skógivöxnu umhverfi milli stórskorinna fjalla og hrikalegra jökla stendur veðurparadísin Skaftafell. Þar liggur auðveld gönguleið að hinum fagra Svartafossi, sem steypist 20 m niður stuðlabergsveggi.

4. DVERGHAMRAR Á SÍÐU
Meðal fegurstu stuðlabergshamra á Íslandi. Nálgast ber hamarinn af virðingu því hann mun vera híbýli fjölda hulduvera.

5. FJAÐRÁRGLJÚFUR
Stórbrotið gljúfur sem Fjaðrá rennur í gegnum en vegur 206 liggur þangað. Hægt að ganga á gljúfurbarminum og njóta útsýnisins eða fara ofan í gljúfrið og vaða ána með klettaveggjum til beggja handa, og fara jafnvel alla leið að fossinum innst í gljúfrinu.

6. REYNISFJARA
Kolsvartur sandur og hvítfyssandi öldur eru mögnuð náttúrufyrirbæri en jafnframt ber að varast hættuna sem þeim fylgir. Í fjörunni má sjá stuðlaberg, hella og Reynisdranga, sem samkvæmt þjóðsögunni eru steinrunnin tröll.

7. GLJÚFRABÚI
Dulúð er yfir þessum 40 m háa fossi, sem fellur ofan í djúpa gjá. Hamraveggur hylur fossinn svo aðeins sést rétt efst í hann. Kletturinn kallast Franskanef en hægt er að klífa nefið og sjá glæstan fossinn ofan frá.

8. LANDMANNALAUGAR
Gangan vinsæla um „Laugaveginn“ byrjar oftast hér en vegir 225 og 208 liggja inn í Laugarnar. Ægifagurt svæðið er umlukið litríkum líparítfjöllum, sem hægt er að dást að úr heitri náttúrulauginni.

9. KERLINGAFJÖLL
Hér fer saman stórkostlegt landslag og fjölbreytt jarðfræði. Samspil jökla og jarðhita, gróðurs og gróðurleysis skapar einstaka litadýrð og myndræna sýn.

Þórbergssetur á Hala í Suðursveit. Reist til minningar um Þórberg Þórðarson rithöfund.

MENNING OG AFÞREYING

10. ÞÓRBERGSSETUR
Þórbergur Þórðarson var meðal fremstu höfunda Íslands á 20. öld. Setrið veitir innsýn í verk hans og daglegt líf í héraðinu. Byggingin er eins og risavaxin bókahilla með verkum meistarans!
Hali Suðursveit, Höfn í Hornafirði (dreifbýli)
478 1078 / thorbergur.is

11. BIKEFARM
Lítið fjölskyldufyrirtæki sem býður upp á fjallahjólaferðir, fjallahjólanámskeið og ýmsa viðburði. Heimsklassa hjólaslóðar á stóru landsvæði, byggðir á gömlum kindastígum. Gisting í A-húsum, eldunar- og grillaðstaða.
Mörtunga 2, Kirkjubæjarklaustri (dreifbýli)
692 6131 / icelandbikefarm.is

12. SKÓGASAFN
Safn við rætur Eyjafjallajökuls, sem sýnir menningararf svæðisins, s.s. atvinnutæki, listiðn, húsakosti og rit, allt frá landnámi til samtímans.
Skógum, Hvolsvelli (dreifbýli)
487 8845 / skogasafn.is

13. RIBSAFARI
Útsýnisferðir um Vestmannaeyjar þar sem þotið er um á slöngubátum með viðkomu í skemmtilegum hellum. Frábært tækifæri til að kynnast eyjunum á nýjan hátt.
Áshamri 48, Vestmannaeyjum
661 1810 /
ribsafari.is

14. LAVA CENTRE
Lærðu um hina gríðarmiklu krafta sem mótuðu Ísland fyrir milljónum ára á þessu magnaða, gagnvirka safni. Notalegt kaffihús og gjafaverslun á staðnum.
Austurvegi 14, Hvolsvelli
415 5200

15. EFSTIDALUR II
Fjölskyldan að Efstadal II, skammt frá Gullfossi og Geysi, býður upp á hestaferðir um héraðið fyrir byrjendur jafnt sem lengra komna.
Bláskógabyggð, Laugavatni
486 1186 /
efstidalur.is

16. BOBBY FISHER SETRIÐ
Skyldustopp fyrir skákáhugafólk en setrið var stofnað Bobby Fisher til heiðurs. Farið er yfir líf hans í máli og myndum og sýndir munir frá skákmóti aldarinnar 1972.
Austurvegi 21, Selfossi
894 1275 / fischersetur.is

16. SUNNLENSKA BÓKAKAFFIÐ
Á þessu sjarmerandi bókakaffi sameinast það sem Íslendingum finnst skemmtilegast; að drekka gott kaffi og uppgötva góðar bækur. Notalegt andrúmsloft og fyrsta flokks veitingar, enda er bókakaffið mjög vinsælt meðal heimafólks.
Austurvegi 22, Selfossi
482 3079 / Facebook

17. LISTASAFN ÁRNESINGA
Safnið er rómað fyrir framúrstefnulegar og ferskar listsýningar og viðburði. Notalegt kaffihús er á safninu. Ókeypis aðgangur!
Austurmörk 21, Hveragerði
483 1727 / listasafnarnesinga.is

Hendur í Höfn í Þorlákshöfn býður uppá hágæða veitingar úr besta fáanlega hráefni.

VEITINGAR

18. PAKKHÚSIÐ
Fallegur veitingastaður við höfnina, sem einbeitir sér að staðbundnu hráefni af svæðinu ásamt öðrum sælkeramat. Gott úrval af barnaréttum.
Krosseyjarvegi 3, Höfn í Hornafirði
478 2280 /
pakkhus.is

19. HALI
Hefðbundinn íslenskur matur úr sveitinni, m.a. kjötsúpa, jöklableikja, lambakjöt og rabarbaragrautur. Heitt á könnunni, heimabakað brauð og kökur.
Hali Suðursveit, Höfn í Hornafirði (dreifbýli)
478 1073 /
hali.is / thorbergssetur.is

20. GÍGUR
Ljúffengir gæðaréttir beint frá býli, enda ræktar Hótel Laki sambandið við bændur í nágrenninu. Við mælum sérstaklega með hægelduðu lambaskönkunum.
Efri-Vík, Kirkjubæjarklaustri
412 4600 / hotellaki.is

21. SUÐUR-VÍK
Veitingastaðurinn er vinsæll meðal heimamanna, jafnt sem ferðalanga. Vinsælustu réttir staðarins eru steikarsamlokur, pítsur og heimagerður rjómaís. Mætið snemma eða bókið borð.
Suður-Vík, Vík í Mýrdal
487 1515 / Facebook

22. SLIPPURINN
Þessi fjölskyldurekni veitingastaður við höfnina í Vestmannaeyjum er meðal best geymdu leyndarmála Íslands. Fersk nálgun á hefðbundna íslenska rétti þar sem villtar jurtir og hráefni úr héraði eru í forgrunni.
Strandvegi 76, Vestmannaeyjum
481 1515 / slippurinn.com

23. GOTT
Matargerðarsnillingarnir og hjónin Sigurður og Berglind starfrækja tvo GOTT veitingastaði; í Reykjavík og Vestmannaeyjum. Ríflegir skammtar af ljúffengum og heilnæmum mat úr fersku hráefni.
Bárustíg 11, Vestmannaeyjum
514 6868 / gott.is

24. MIÐGARÐUR
Ljúffengur matur fyrir lúna ferðalanga. Saðsöm súpa er á boðstólum í hádeginu en lax, lamb eða grænmetisréttir á kvöldin. Skolað niður með bjór, brugguðum í héraði, lífrænu víni eða heimagerðu límonaði.
Dufþaksbraut 14, Hvolsvelli
578 3180 /
midgardbasecamp.is

25: FLÚÐASVEPPIR
Sveppir eru að sjálfsögðu í aðalhlutverki á þessum frábæra veitingastað, sem er á eina sveppabýli Íslands. Þar má nefna sveppasúpu, portobelloborgara, lambavefju og kjúklingasalat.
Garðastíg 8, Flúðum
519 0808 /
farmersbistro.is

26. VEITINGASTAÐURINN Í EFSTADAL II
Fjölskyldurekið hestabýli og mjólkurbú og veitingastaður þar sem boðið er upp á ferska og ljúffenga rétti úr afurðum býlisins, t.d. heimagert skyr og safaríka hamborgara.
Bláskógabyggð, Laugavatn
486 1186 /
efstidalur.is

27. GRÆNA KANNAN
Drykkir og meðlæti úr lífrænt vottuðu hráefni. Ávextir og grænmeti koma beint úr gróðurhúsinu. Girnilegar kökur, bökur og brauð úr bakaríinu ásamt marmelaði, chutney, salsasósum og súpum frá matvinnslu Sólheima.
Sólheimar, Selfossi (dreifbýli)
480 4477 /
solheimar.is

28. RÓSAGARÐURINN
Rósagarðurinn er ómissandi viðkomustaður í blómabænum Hveragerði. Skoðaðu þig um í garðinum og smakkaðu rétti með rósakeimi á kaffihúsinu. Gjafaverslunin býður upp á vandað og fallegt handverk.
Breiðumörk 3, Hveragerði
483 3300 / Facebook

29. HENDUR Í HÖFN
Á þessari heillandi veitingastofu býður Dagný upp á hágæðafæðu úr héraði, sem eldað er á staðnum. Ljúffengar nýbakaðar kökur og brauð fást á hverjum degi, líka án glúteins.
Selvogsbraut 4, Þorlákshöfn
848 3389 / hendurihofn.is

Sveitabúðin Una á Hvolsvelli býður uppá úrvals matvöru beint frá býli.

VERSLUN Í HEIMABYGGÐ

30. SVEITABÚÐIN UNA
Skemmtilegt stopp á Hvolsvelli! Í rauðum bragga er verslun með lopa, lopapeysur, húfur, vettlinga, handverk úr héraði og fleira. Nýlega bættist við markaður með brakandi ferskt grænmeti og úrval af kjöti, allt beint frá býli.
Austurvegi 4, Hvolsvelli
544 5455 / Facebook

31. GALLERÝ FLÓI
Listakonan Fanndís Huld Valdimarsdóttir rekur verslun og verkstæði og vinnur fagra muni úr postulíni og keramiki. Hún handgerir skart úr glerperlum, sem eru búnar til frá grunni á verkstæðinu. Íslenskt hönnunarverk eins og það gerist best!
Þingborg, Selfoss (dreifbýli)
868 7486 / fanndis.com

32. AKUR LÍFRÆNT GRÆNMETI
Komdu við hjá ræktendum og kauptu lífrænt grænmeti og ýmsar vörur unnar úr heimaframleiðslunni, eins og súrsað og þurrkað grænmeti, sultur og piparmauk.
Akur, Biskupstungum (dreifbýli) / 486 8966
akurbisk.is

33. EFSTIDALUR II
Hér færðu ferskan sveitaís í heimagerðu vöffluformi, á meðan þú fylgist með kúnum í fjósinu. Hér fæst einnig heimagert skyr, mysa, fetaostur, nautahakk og gúllas og grænmeti.
Efstadal 2, Laugarvatni
486 1186 / efstidalur.is

34. VALA LISTHÚS
Á Sólheimum fást listmunir og lífrænt grænmeti, ræktað á staðnum. Einnig fást handsápur, hunangskrem og baðsölt úr jurtum. Allar vörur og listaverk eru framleidd af fjölhæfum íbúum Sólheima.
Sólheimum, Grímsnesi
480 4400 / solheimar.is

35. FISKVERSLUN HVERAGERÐIS
Í þessari verslun, sem er vinsæl meðal heimamanna jafnt sem ferðalanga, fæst miklu meira en spriklandi ferskur fiskur, t.d. brauð frá Litlu brauðstofunni og íslenskt grænmeti.
Breiðamörk, Hveragerði
851 1415 / fiskverslunhveragerdis.com

Hengill
Reykjadalsá rennur á Hengilsvæðinu.

LAUGAR OG SPA

36. SELJAVALLALAUG
Seljavallalaug hefur kúrt í hlíðum Eyjafjallajökuls síðan 1923. Laugin er ein sú elsta á landinu.
Laugárgil, Austur-Eyjafjallahreppi

37. LAUGARSKARÐ
Vel staðsett laug, umlukin gróðri og fallegu útsýni. Hituð með jarðgufu og þarf mun minni klór en flestar laugar.
Laugarskarði, Hveragerði
483 4113

38. REYKJADALSÁ
Á Hengilsvæðinu leynast ýmsar perlur. Dýrðlegt er að baða sig í náttúrulaugum í Reykjadalsá. Hægt er að ganga um 3 km leið frá bílastæði við Rjúpnabrekkur.
Reykjadalsá, Hengilsvæðinu (dreifbýli)

Stjórnarfoss við Kirkjubæjarklaustur.

TJALDSTÆÐI

39. KLEIFAR
Rétt hjá tjaldstæðinu er Stjórnarfoss. Á góðviðrisdögum hlýnar vatnið svo hægt er að busla í því. Á móti tjaldsvæðinu er fótboltavöllur og merktar gönguleiðir um nágrennið.
Mörk, Kirkjubæjarklaustri
861 7546 / kleifar.com

40. VATNSKOT VIÐ ÞINGVALLAVATN
Rólegt tjaldsvæði við eyðibýlið Vatnskot á bökkum Þingvallavatns. Tjöld eru eingöngu leyfð og öll umferð bifreiða um svæðið er bönnuð.
Vatnskot, Þingvöllum
482 2660 / thingvellir.is

Náttúruperlan Þakgil er staðsett milli Mýrdalsjökuls og Mýrdalssands, 14 km frá þjóðveginum.

GISTING

41. ÞAKGIL
Falin perla á milli Mýrdalsjökuls og Mýrdalssands, 15 km frá þjóðveginum. Ævintýralegt er að snæða í matsalnum, sem er náttúrulegur hellir og fara síðan í göngu um svæðið. Gisting í litlum húsum eða á tjaldstæðum í stórbrotinni náttúru.
Höfðabrekkuafrétti, Vík
893 4889 / thakgil.is

42. HRÍFUNES
Sjarmerandi gistihús, sem áður hýsti félagsheimilið á Kirkjubæjarklaustri. Maturinn er gerður á staðnum, og við mælum eindregið með honum fyrir alla.
Skaftártungu, Kirkjubæjarklaustri (dreifbýli)
863 5540 / hrifunesguesthouse.is

43. MIDGARD BASE CAMP
Viltu gista á hóteli eða farfuglaheimili? Midgard Base Camp er hvort tveggja, með sérherbergjum, fjölskylduherbergjum eða kojum. Á þakinu er heitur pottur og gufa með stórbrotnu útsýni.
Dufþaksbraut 14, Hvolsvelli
578 3180 / midgardbasecamp.is

44. VATNSHOLT
Uppgerður sveitabær með fjölbreyttum gistimöguleikum. Skemmtileg húsdýr og leiktæki á svæðinu ásamt veitingastað.
Vatnsholti 2, Selfossi (dreifbýli)
899 7748 / hotelvatnsholt.is

HOSTEL.IS
Farfuglaheimili má finna um allt land en þau bjóða upp á hagkvæma og fjölbreytta gistimöguleika. Í sumar er lögð sérstök áhersla á fjölskylduvæna gistingu og boðið er upp á rúmgóð fjölskylduherbergi með sameiginlegu eldhúsi. Börn yngri en 16 ára gista frítt með fjölskyldunni.
575 6700 / hostel.is

HEY ÍSLAND
Ferðaþjónusta bænda býður upp á 160 gistimöguleika, allt frá litlum kósí stöðum fyrir pör yfir í stórar einingar, fullkomna fyrir hópa. Af hverju ekki að prófa bændagistingu, sumarhús, íbúðir, eða splæsa í flott sveitahótel? Alltaf umvafin fallegri íslenskri sveit.
570 2700 / hey.is

ANNAÐ

SUNDLAUGAR
Höfn í Hornafirði
Borg, Grímsnesi
Flúðir
Hella
Hvolsvöllur
Kirkjubæjarklaustur
Laugarvatn
Neslaug, Árnesi
Reykholt
Skeiðar
Stokkseyri
Selfoss
Laugaland, Rangárvallasýslu
Hveragerði
Vestmannaeyjar
Vík
Þorlákshöfn

NETTÓ
Höfn í Hornafirði, Miðbæ
Selfossi, Austurvegi 42

ON HRAÐHLEÐSLUSTÖÐVAR
Höfn í Hornafirði, Nesjaskjól
Jökulsárlón
Freysnes
Kirkjubæjarklaustur, Klausturvegi 29
Vík, Austurvegi 18
Hvolsvöllur, Austurvegi 3
Flúðir, Vesturbrún 1
Geysir
Borg
Selfoss, Langholti 1
Selfoss, Arnbergi
Hveragerði, Austurmörk 22
Þorlákshöfn, Óseyrarbraut 15
Hellisheiðavirkjun

VÍNBÚÐIN 
Höfn í Hornafirði, Miðbæ, Litlubrú 1
Kirkjubæjarklaustur, Klausturvegi 15
Vík í Mýrdal, Ránarbraut 1
Hvolsvöllur, Austurvegi 1
Hella, Suðurlandsvegi 1
Selfoss, Larsenstræti 3
Hveragerði, Sunnumörk 2
Þorlákshöfn, Selvogsbraut 41
Vestmannaeyjar, Vesturvegi 10
Flúðir, Akurgerði 4

Tögg úr greininni
, , ,